Institutt for data- og elektroteknologi

Stavanger AI Lab

Stavanger AI Lab ynskjer å knytte forskarar og studentar ved Universitetet i Stavanger saman med partnarar frå industri, næringsliv og offentleg sektor. Målet er å drive forsking og utvikling innan fagfeltet kunstig intelligens.

Velferdsteknologi

Biomedisinsk dataanalyse

Helseteknologiske nyvinningar bidreg vesentleg innan helse- og omsorgssektoren. Samstundes er forbrukarane i aukande grad i stand til å lagre helsedata på eigne einingar som til dømes mobiltelefonar og sportsklokker. Digitalisering og utfordringar innan analyse av biomedisinske data er det primære teknologifokuset innan helseteknologinettverket, og dei aktivitetane som pågår ved Det teknisk-naturvitskaplege fakultet. Desse aktivitetane er knytt til BMDLab (Biomedical Data Analysis Laboratory). 

BMDLab er ei tverrfagleg forskargruppe. Målet med forskinga er å handtere problemstillingar innan medisin som krev ferdigheiter innan dataanalyse. Tverrfaglegheit er ein nøkkelfaktor, fordi vi i aukande grad er avhengige av idear og tilnærmingar som spelar på fleire fagdisiplinar og applikasjonsområde som signal- og bildeanalyse, statistikk, maskinlæring, biologi og medisin.

Prosjekta som gruppa er involvert i famnar breitt, frå digital patologi, nyfødd-overleving (Safer Birth) og analyse av bildesignal i samband med hjerteinfarkt. 

Leiarar for forskingsgruppa er professorane Kjersti Engan og Trygve Eftestøl.