Institutt for grunnskulelærerutdanning, idrett og spesialpedagogikk

Om instituttet

Ved Institutt for grunnskulelærarutdanning, idrett og spesialpedagogikk (IGIS) arbeider me med undervisning, forsking og formidling innanfor felta lærarutdanning, spesialpedagogikk og idrett.

Instituttet har fleire studieprogram som dekkjer både master- og bachelornivå, samt etter- og vidareutdanning.

Me har eit omfattande forskings- og utviklingsarbeid knytt til utdanningsområda våre, der kjerneområda er pedagogikk, fagdidaktikk, spesialpedagogikk og idrettsvitskap. Gjennom kunnskap, kompetanse og praksiserfaringar ønsker vi å ruste studentane våre best mogleg til å møte arbeidslivet.

Me samarbeider tett med praksisfeltet og arbeidslivet gjennom ulike partnarskapsavtalar, og er ein stor regional aktør i vidareutdanning og i kompetanseutvikling i skulen. Dette skjer mellom anna gjennom desentralisert ordning for lokal kompetanseutvikling.

Instituttet er óg involvert i utvida partnarskap med utvalde universitetsskuler og universitetsbarnehagar i regionen med mål om å styrke mellom anna praksisstudiet for grunnskulelærarstudenter.

Instituttet sine forskarar samarbeider med andre miljø ved UiS, har sentrale roller i norske nettverk og har eit internasjonalt forskings- og utdanningssamarbeid med institusjonar i ei rekke land.

Forskargrupper ved instituttet

Nokre stikkord for forsking ved instituttet er inkluderande pedagogikk og praksis, klasseromsforsking (elevar sine læringsprosessar i klasserommet), litteraturdidaktikk, lesevitskap, norskdidaktikk, norsk som andrespråk, lærarar sin sin profesjonskunnskap, Lesson Study som arbeidsmetode, rettleiing, berekraftig utvikling og utdanning, livslang læring, digital kompetanse, digital didaktikk og historie (oljehistorie, migrasjonshistorie).