Ein av verdas fremste ekspertar på økonometri underviste doktogradsstipendiatar

Magne Mogstad er ein av verdas fremste ekspertar på økonometri.

– Eg er her for å lære. Dette er ei fantastisk moglegheit til å høyre på han og få betre forståing for feltet, seier Eric Myran Wee.

Både han og Gina Eckhoff kjem frå Handelshøyskolen på NTNU der dei akkurat har starta som doktorgradsstipendiatar, og har derfor fått ein intensiv start på doktorgradslivet.

Eckhoff seier det er eit krevjande kurs, då det tar føre seg fleire vekers læring på berre ei veke. Men likevel er det kjekt å lære meir om den avanserte forskingsfronten.

– Det går i dybden og ikkje overflata, seier ho.

Ho synest òg det har vore kjekt å møte andre stipendiatar som interesserer seg og forsker på tema rundt økonomi.

Vil bidra til betre forsking

Målet med kurset er å utvikle nødvendig kunnskap for å forstå, designe, gjennomføre og tolke Empiriske studier: Betegner studier og resultater som er basert på forsøk eller observasjoner og ikke bare resonnering eller logikk analysar av data frå den verkelege verda.

På kurset i fjor var det fleire besøkande frå andre universitet, både i Noreg og i Europa. Slik var det også i år, med blant anna studentar som kom frå Wales, Østerrike og Tyskland.

Magne Mogstad kjenner miljøet på Handelshøgskolen ved UiS godt, og synest det var veldig fint å kunne vere tilbake.

– Dei var veldig hyggelege studentar. Målet er å trene dei, og bidra til betre forsking, seier Mogstad.

Sentral metode

Økonometri er ein sentral metode innanfor empirisk økonomisk forsking. I økonometri blir statistiske metodar og kvalitative data brukt for å studere kausalitet. Metoden blir ofte brukt for å studere effekten av politikk og verkemidlar, som for eksempel: Vil folk jobbe mindre viss inntektsskatten aukas? Kor effektivt er eigentleg straff på å redusere kriminalitet? Blir bedrifter meir effektive av ny teknologi?

– Gjennom åra har me sett at økonomi blir stadig meir empirisk. Det er avgjerande for framtidas økonomar å meistre dataanalyse, spesielt viss du vil hevde deg innan økonomisk forsking, seier kursansvarleg og professor ved Handelshøgskolen ved UiS, Torfinn Harding.

Det er andre gong Magne Mogstad har kome til Universitetet i Stavanger for å undervise doktorgradsstipendiatar. Mogstad stadfester sjølv at han gjerne kjem tilbake for å halde kurs ein tredje gong òg.