– Det faglege tilbodet var attraktivt og svært treffande for mine interessar

Marie Larsen Gellein har tatt éin bachelorgrad og to mastergrader på Handelshøgskolen ved UiS. Det er det fleire grunnar til.

Publisert Sist oppdatert
Marie Larsen Gellein

Stilling: Revisor

Arbeidsstad: KPMG

Utdanning: Bachelor i økonomi og administrasjon, master i økonomi og administrasjon, master i rekneskap og revisjon

Spesialisering under master i økonomi og administrasjon: Spesialisering i økonomisk analyse, og med finans som «minor»

Marie Larsen Gellein
Marie Larsen Gellein

Marie Larsen Gellein

Kvaliteten på det faglege tilbodet har vore på eit solid nivå , med kompetente førelesarar - som er veldig viktig!

Kvifor valde du å studere studere til å bli siviløkonom, og så ein mastergrad i rekneskap og revisjon?

Det var på vidaregåande at eg fekk interesse for økonomifaget (eg gjekk allmenn og økonomiske fag), og då særleg samfunnsøkonomi etter ei innleveringsoppgåve om spelteori som eg syntest var veldig spennande. Det var då klart for meg kva eg ville satse på vidare.

Å studere rekneskap og revisjon blei aktuelt då eg hadde arbeida som revisor etter eg gjekk ut frå Handelshøgskolen ved UiS som siviløkonom. Eg hadde opparbeida meg godt med praktisk erfaring, men ønska å få meir fagleg påfyll for å forstå det store bildet. I tillegg var denne vidareutdanninga gunstig med tanke på vidare karriereutvikling.

Eg valde å studere dette på UiS nettopp på grunn av det toårige programmet, som eg opplevde var meir gjevande i omfang enn fleire tilsvarande program som kunne bli fullført innan eitt år.

Kvifor valde du Universitetet i Stavanger og Handelshøgskolen ved UiS?

Utgangspunktet for valet av UiS og Handelshøgskolen var nok mest av praktiske årsaker. At eg har haldt fram med å velje UiS og Handelshøgskolen igjen (og igjen) skyldast fleire faktorar. Eg opplevde både eit godt sosialt og faglig miljø, som inkluderte førelesarar og studentar. Det faglege tilbodet var også attraktivt og svært treffande for mine interessar, då særleg med tanke på spesialiseringa i økonomisk analyse. Kvaliteten på det faglege tilbodet har også vore på eit solid nivå, med kompetente førelesarar - som er veldig viktig!

Korleis såg ein typisk studiekvardag ut for deg?

Eg har studert i ein del år og har fått testa ut forskjellige studiekvardagar. Den kvardagen eg opplevde som mest positiv var prega av jamleg deltaking på førelesingar, gruppearbeid og bruk av bibliotek eller lesesal. Å legge opp til  «heile» skuledagar som ei rutine, sjølv om det ikkje alltid innebar førelesingar heile dagen, var motiverande for å arbeide jamnt og trutt. Dessuten var det sosialt, og eg blei godt kjend med andre medstudentar på denne måten. I periodar var eg også engasjert i studentorganisasjonar og studentpolitikk, og var ofte på campus også utanom studietid. Det opplevde eg var veldig berikande for studietida.

Er det noko du hugsar spesielt godt frå studietida?

Eg har mange gode minne! Å engasjere seg i studentlivet gav meg ei ny oppleving av det å vere student, og eg blei kjent med mange nye menneske - både andre studentar og tilsette ved UiS.

Noko av det eg likte aller best har vore å arbeide meg større akademiske oppgåver. Sentralt her er bacheloroppgåva og dei to masteroppgåvene eg har skrive. Kanskje blei eg velsigna med spesielt gode rettleiarar, men i det arbeidet koste eg meg verkeleg. Både med hensyn til måten å lære på, og fordi ein gjennom denne typen arbeid får vist sine evner på ein annan måte enn ved vanlege eksamenar. Det var også veldig motiverande at rettleiarane oppmuntra til fagleg utfolding og viste begeistring for min entusiasme. Eksamensperiodane står også igjen som gode minne: Då var me mykje på campus og hadde selskap i kvarandre i oppturar og nedturar.

Les også: To masterstudentar frå Handelshøgskolen ved UiS har fått publisert studien frå masteroppgåva si i ein internasjonal journal

Korleis var studiemiljøet?

Eg har positive erfaringar med studiemiljøet på UiS. Eg fekk testa ut å vere student både utan særleg engasjement, og med stort engasjement - og sistnemnte var utslagsgjevande for opplevinga. Studiemiljøet er veldig bra, og det bør oppsøkast aktivt!

Kva har du jobba med etter studiane?

Eg begynte som revisor i KPMG då eg gjekk ut som siviløkonom i 2013, og arbeider der ennå. Det er ein spennande jobb prega av mykje læring, eit dynamisk arbeidsmiljø og ein variert arbeidskvardag som eg trivst godt med.

Les også: Gjennom «Business Week» har studentar frå Handelshøgskolen ved UiS fått knytt verdifull kontaktar med arbeidslivet

Kva tok du med deg inn i arbeidslivet frå det du lærte her?

For min del har kombinasjonen av finansfag og analytiske fag gitt eit godt kompetansegrunnlag for å byggje vidare på i arbeidet som revisor. Det er ikkje alltid at alt ein lærer er direkte overførbart til arbeidslivet, men ein viktig del av å studere er å lære seg fagspråket, opparbeide fagleg forståing, og ulike måtar å tenke på. Særleg det å opparbeide seg analytiske eigenskapar har vore gunstig for utfordringar eg møter i arbeidskvardagen.

Les også: Lærer om motivasjon på arbeidsplassen gjennom å jobbe som konsulentar

Har du nokre tips til nye studentar?

For å få det beste ut av studietida så trur eg det er viktig å tørre å kaste seg ut i det. Eg trur mange studentar er redde for å feile, og dermed å prøve, men å feile er som regel lærerikt og sjeldan ein katastrofe. Å lage seg faste rutinar frå starten av kan vere nyttig for mange.

Start gjerne semesteret med å delta i fadderveka, det gjer oppstarten på studiet enklare. Så vil eg anbefale å delta i studentmiljøet.

Les også: Økonomistudent Karl deltok på Nordens største økonomifestival

Tør å delta aktivt i førelesingar, engasjer deg i arbeide saman med andre, og finn deg nokon du kan lese/jobbe saman med. Er det noko som er vanskeleg - enten fagleg eller elles, - ta kontakt med førelesarane eller administrasjonen og få hjelp. I administrasjonen er det eit svært hjelpsamt apparat som finn løysinger på det meste.

Sist, men ikkje minst: Hugs at du sannsynlegvis ikkje kjem til å oppleve alle fag like spennande. Men det er heilt normalt, og det er god trening i å lære seg å orke å fullføre kjedelege ting også (for det vil du oppleve i arbeidslivet òg).

Les også: To intensive masterår har fått ein ekstra intensiv og lærerik studiestart

Ta økonomifag på Handelshøgskolen ved UiS

Aktuelt frå Handelshøgskolen ved UiS

Ola Kvaløy utnevnt til utvalg om sirkulær økonomi

Regjeringen setter ned en ekspertgruppe for å se på virkemidler for å redusere ressursbruken og bidra til en mer sirkulæ...

Senter for innovasjonsforskning opprettes som forskningssenter i fem nye år

Det nåværende senterets funksjonstid utløp den 31. desember 2023. Søknaden om å etablere senteret på ny ble godkjent av ...

Roald Martinussen 70 år

Vi gratulerer vår kjære kollega, dosent Magnus Roald Martinussen med 70-årsdag søndag 28. januar.

Menn og yngre har høyest lederambisjoner blant sykepleiere

Ledere som støtter, lytter og verdsetter ansatte er svært viktig for sykepleieres ambisjoner om videre karrierevalg i he...