Anders Åkerman er ny professor i samfunnsøkonomi ved UiS

– Å handtere ulikheit rundt inntekt, formue og helse vil vere ei sentral utfordring for mange land framover. Globalisering og teknologiske endringer har endra korleis moderne økonomi fungerer på dei mest grunnleggende måtene ein kan tenke seg. Målet med forskinga mi er å forstå kvifor, korleis, og kva som kan bli gjort med det, fortel Åkerman.

Noko av Åkermans nyaste forskingsarbeid fokuserer på korleis breibandsinternett påverkar relativ produktivitet og inntekten til arbeidarar med ulik utdanningsbakgrunn. Saman med forskarar frå Universitetet i Chicago har han sett at internett primært er til fordel for høgt utdanna arbeidarar. Men Åkerman seier at om ein graver djupare så ser årsaka ut til å vere at slike arbeidarar engasjerer seg i oppgåver som er meir effektive med internett, slik som analyse, marknadsføring, leierskap etc.

Den svenske koronakommisjonen

I tillegg til å nå vere professor på Handelshøgskolen ved UiS jobbar Anders Åkerman også med den svenske koronakommisjonen. Her undersøker han dei økonomiske konsekvensene koronakrisen har hatt for Sverige, i tillegg til effektiviteten av den økonomiske politikken i denne perioden.

Åkerman engasjerer seg også i den offentlege debatten i Sverige gjennom artiklar, for eksempel var han nyleg i Svenska Dagbladet og kritiserte kvantitative lettingar (QE) for å forverre pre-pandemisk rikdomsulikhet i Sverige. Arbeidet hans har blitt sitert i internasjonale medium som Economist.

Men livet til Åkerman dreier seg ikkje berre om økonomi. På fritida liker han blant anna å padle på SUP-brett og bake brød. Han har også skrive ei bok om korleis ein kan slutte å snuse: "Bli snusfri - dette fikser du!". Boka er oversett til norsk og finst også som lydbok.